ഏറുമാടങ്ങൾ പലതരം ഉണ്ട്;
തന്നിലേയ്ക്ക് മാത്രം ചുരുങ്ങി പോകുന്നവരുടെ, തന്നിഷ്ടത്തിന്റെ ഏറുമാടങ്ങൾ.
അഹന്തകളുടെ,ആത്മപ്രശംസകളുടെ, അസഹിഷ്ണുതകളുടെ,അസൂയകളുടെ ഏറുമാടങ്ങൾ.
ദോഷൈകദൃക്കുകളുടെ,ദുരയുടെ, ഒളിഞ്ഞുനോട്ടങ്ങളുടെയും, ഒറ്റുകാരുടെയും ഏറുമാടങ്ങൾ.
എന്നാൽ ചുരുക്കം ചിലതുണ്ട് ;
ആർക്കു വേണമെങ്കിലും, എപ്പോൾ വേണമെങ്കിലും കയറിച്ചെല്ലാവുന്ന കരുതലിന്റെയും, സമർപ്പണത്തിന്റെയും, ഏറുമാടങ്ങൾ.
അതിരുകൾ ഇല്ലാത്ത ദൂരകാഴ്ചകളുടെയും, സത്യാന്വേഷണങ്ങളുടെയും ഏറുമാടങ്ങൾ.